رادیۆی دەنگ

له‌ كۆى زیاتر له‌ 3 هه‌زار فەرمانبەر له‌ سنورى قه‌زاى كفرى بۆ وه‌رگرتنى زه‌وى زیاتر له‌ 394 ناویان كێشه‌یان هه‌یه‌، سه‌رۆكى شاره‌وانى قه‌زاكه‌ش ده‌ڵێت: نوسراومان كردوه‌ بۆ چاره‌سه‌ركردنى كێشه‌كه‌یان.

عه‌لى خورشید، سه‌رۆكى شاره‌وانى قه‌زاى كفرى بۆ رادیۆى ده‌نگ باسى له‌وه‌كرد: له‌ كۆى 3446 ناو 2652 ناو وردبینییان بۆ كراوه‌، له‌و رێژه‌یه‌ش زیاتر له‌ 394 ناویان كێشه‌یان هه‌یه‌.

وتیشى: به‌جۆرێك زیاتر له‌ 250 ناومان هه‌یه‌ فۆرمیان نییه‌، 124 ناویشمان هه‌یه‌ كێشه‌ى خاڵبه‌ندییان هه‌یه‌، 20 كه‌سیشمان هه‌یه‌ ناوى نییه‌ و فۆرمى هه‌یه‌.

جه‌ختى له‌وه‌شكرده‌وه‌: بۆ ئه‌و مه‌به‌سته‌ نوسراومان ئاراسته‌ى سه‌روى خۆمان كردوه‌ بۆ ئه‌وى بزانین چاره‌سه‌ر چیه‌، وه‌زاره‌ت یان به‌ڕێوبه‌رایه‌تى گشتى بڕیارى له‌سه‌ر ئه‌دات بۆ ئه‌وه‌ى بتوانن سودمه‌ندبن.