رادیۆی دەنگ

بۆ ماوه‌ى 15 ساڵه‌ كار له‌سه‌ر ئه‌وه‌كراوه‌ كه‌ بازاڕى قه‌یسه‌رى كفرى نۆژه‌ن بكرێته‌وه‌، به‌ڵام تاوه‌كو ئێستا نه‌كراوه‌، به‌ڕێوبه‌رایه‌تى شوێنه‌وارى كفریش ده‌ڵێت: 21 ملیار دینارى پێویسته‌ و بودجه‌ نیه‌.

عوبێد محه‌مه‌د عه‌لى، به‌ڕێوبه‌رى به‌ڕێوبه‌رایه‌تى شوێنه‌وار و كه‌له‌پورى كفرى، بۆ رادیۆى ده‌نگ وتى: بازاڕى قه‌یسه‌رى قه‌زاى كفرى نزیكه‌ى %95ـى روخاوه‌ و مه‌ترسى له‌ ناوچونى له‌سه‌ره‌.

وتیشى: له‌ ساڵى 2011 دیزاین و ده‌رخسته‌ى بۆ كراوه‌ بۆ ئه‌وه‌ى نۆژه‌ن بكرێته‌وه‌ هه‌مو رێكاره‌ ئیداریی و یاساییه‌كانى بڕیوه‌، كه‌ چوه‌ته‌ وه‌زاره‌تى دارایی ده‌ڵێن بودجه‌ نییە.

هێماى بۆ ئه‌وه‌شكرد: ئه‌و بودجه‌یه‌ى كه‌ پێویسته‌ بۆ نۆژه‌نكردنى ئه‌و بازاڕه‌ خۆى له‌ 21 ملیار دیناردا ده‌بینێته‌وه‌.