رادیۆی دەنگ

مامۆستایەک لە گەرمیان رایدەگەیەنێت خۆی و چەند مامۆستایەکی دیکە بەو هۆیەی مامەڵەی هەژماری منیان نەکردوە، موچەکانیان راگیراوە.

کاروان سابر، مامۆستا لە گەرمیان، بە رادیۆی دەنگی وت: ئێمە ٣ مامۆستاین موچەكانمان لە پەروەردەوە راگیراوە و پێمان نادرێت

وتیشی: پەروەردە بە زارەكیی بە بەڕێوبەری قوتابخانەكەمانی وتوە كە موچەكانمان بگەڕێنێتەوە بۆیان و پێمان نەدات تا فۆڕمی هەژماری من پڕنەكەینەوە.

لەلایەن حکومەتی هەرێمەوە فەرمانبەران ناچارکراون بە ئەنجامدانی مامەڵەی هەژماری من بۆ وەرگرتنی موچەکانیان بەشێوەی بانکی، بەڵام هەندێک لە فەرمانبەران تائێستا مامەڵەکەیان نەکردوە بەوهۆیەی گومانیان لە پرۆسەکە هەیە و داوادەکەن موچەکانیان لەسەر حکومەتی عێراقی بە بانکیی بکرێت.