رادیۆی دەنگ

دوای ئەوەی كاره‌كانى پرۆژه‌ى روناكى له‌ گه‌رمیان ده‌ستیپێكرد‌، وتەبێژی كاره‌باى گه‌رمیان ده‌ڵێت: ناوچەکە كراوه‌ به‌ 5 زۆنه‌وه‌ و تیمه‌كان ده‌ستیان به‌ كاره‌كانیان كردوه‌.

ئالان ئه‌ركان، وته‌بێژى به‌ڕێوبه‌رایه‌تى گشتى كاره‌باى گه‌رمیان، بۆ رادیۆى ده‌نگ باسى له‌وه‌كرد: كارەكانى پرۆژه‌ى روناكى له‌ گه‌رمیان ده‌ستیپێكردوه‌ و سنوره‌كه‌ كراوه‌ به‌ 5 زۆنه‌وه‌.

رونیکردەوە: كه‌لار كراوه‌ به‌ 2 زۆنه‌وه‌ و ئێستادا كاره‌كان تیایدا‌ ده‌ستیپێكردوە و‌ له‌لایه‌ن تیمه‌كانه‌وه‌ سه‌رقاڵى چاكکردنه‌وه‌ى گۆڕه‌ره‌كان و هه‌ر‌ شتێكی دیکەن کە پێویست بكات.

جه‌ختى له‌وه‌شكرده‌وه‌: چاوه‌ڕوان ده‌كرێت له‌ 2 مانگی داهاتودا هه‌مو كاره‌كان لە هەمو زۆنەکان ته‌واو ببێت.

وتەبێژی کارەبای گەرمیان ئاماژەی بەوەدا دواى ته‌واوبونى چاكسازییەکان و ئامادەبونی ناوچەکە، له‌لایه‌ن وه‌زاره‌تى كاره‌باوه‌ به‌ فه‌رمى راده‌گه‌یه‌نرێت كه‌ پرۆژه‌كه‌ له‌ گه‌رمیان چوه‌ته‌ بوارى جێبه‌جێكردنه‌وه‌.