رادیۆی دەنگ

کشتوکاڵی گەرمیان لەبارەی کوشتارگە مۆدێرنەکەی گەرمیانەوە دەڵێت: شوێنەکەی نزیکە لە مۆنۆمێنتی ئەنفالەوە لە قەزای رزگاریی، بۆ ئەو مەبەستە نوسراومان کردوە بۆ لاری نەبون، جارێ وەڵام نەدراوینەتەوە.

بڕیارە لە قەزای رزگاریی کوشتارگەیەکی مۆدێرنی ئاژەڵان دروستبکرێت، بەڵام دیارییکردنی شوێنەکەی، پرۆژەکەی بە هەڵپەسێردراویی هێشتوەتەوە.

لەوبارەوە شادییە حسێن، بەڕێوبەری گشتی کشتوکاڵی گەرمیان، بۆ رادیۆی دەنگ وتی: کوشتارگە مۆدێرنەکەی گەرمیان شوێنی بۆ دیارییکراوە لەسەر روبەری زیاتر لە ١٠٠ دۆنم زەویی کە دەکەوێتە قەزای رزگارییەوە.

دەشڵێت: بەهۆی ئەوەی کەوتوەتە نزیک مۆنۆمێنتی ئەنفال نوسراومان کردوە بەمەبەستی وەرگرتنی رای بەڕێوبەرایەتی شەهیدان و ئەنفالکراوانی گەرمیان، تاوەکو ئێستا وەڵاممان بۆ نەهاتوەتەوە.