رادیۆی دەنگ

وابڕیاربو لە دەستپێکی ئەم مانگە کامێرای خاڵ بۆ خاڵ لەسەر رێگەی کەلار-کفری بکەوێتە کار، بەڵام تاوەکو ئێستا نەکەوتوەتەکار، هاتوچۆی گەرمیانیش دەڵێت: هەندێک رێکاری ماوە تەواو ببێت.

سامان عەلی، وتەبێژی بەڕێوبەرایەتی هاتوچۆی گەرمیان، بۆ رادیۆی دەنگ وتی: کامێراکان جێگیرکراوە و گرفتێکی نییە، بەڵام بەهۆی بەردەوامی بارانبارینەوە هەندێک رێکاری ماوە کۆمپانیا جێبەجێی بکات، بۆ ئەو مەبەستە داوایان کردبو ماوەکەیان بۆ درێژ بکرێتەوە.

دەشڵێت: وەزارەت رەزامەندی داوە بۆ ماوەی ٣ مانگی تر ماوەکەیان بۆ درێژبکرێتەوە تاوەکو هەمو کارەکانیان جێبەجێ دەکەن.

جەختی لەوەشکردەوە: ئەوەی ماوەتەوە دانانی هێماکانی تیژڕەوییە بەپێی ناوچەکان، لەو ماوەیەی بۆیان درێژکراوەتەوە دەبێت کۆمپانیا هەموی جێبەجێ بکات.

هێمای بۆ ئەوەشکرد: لەهەر کاتێکدا کە کەوتەکار، هاوڵاتیان بە فەرمی ئاگادار دەکرێنەوە.