لە بەیانی ئەمڕۆوە بارانی بە لێزەمە لە گەرمیان دەستی بەبارین کردوە، لەبارەی دورستبونی لافاوەوە قایمقامی قەزای کەلار دەڵێت: خۆمان ئامادەکردوە بۆ هەر ئەگەرێکی نەخوازراو.

عارف عادل، قایمقامی قەزای کەلار بە رادیۆی دەنگی راگەیاند: لەگەڵ فەرمانگەکانی دیکە لیژنەیەکی هاوبەشمان دروستکردوە و لە ئێستادا لە حاڵەتی ئامادەباشیداین بۆ هەر حاڵەتێکی نەخوازراو و دروستبونی لافاو.

وتیشی: تەواوی رێرەوی ئاوەکان و مەنهۆڵەکان پاکراونەتەوە و هەمو ئامادەکارییەکی پێویست کراوە..

دەشڵێت: بۆ هەرحاڵەتێکی نەخوازراو داوا لە هاوڵاتیان دەکەین پەیوەندیمان پێوە بکەن بۆ ئەوەی بەهانایانەوە بچین.