رادیۆی دەنگ

لەگەڵ بڵاوبونەوەی دەنگۆی گرانبونی نرخی كرێی خانو لە گەرمیان، سەرۆكی لقی گەرمیانی كۆمەڵەی كرێنشینان دەڵێت: هیچ بنەمایەکی نییە و نرخەکان وەكخۆیەتی.

سەیوان كەریم، سەرۆكی لقی گەرمیانی كۆمەڵەی داكۆكی لە مافی كرێنشینان ، بۆ رادیۆی دەنگ وتی: لەبارەی ئەو دەنگۆیانەی کە هەن بۆ زیادبونی نرخی کرێ خانو، بە هیچ شێوەیەك نرخی شتی وانییە و نرخ جێگیرە، بەڵکو ئەتوانین بڵێین تاڕادەیەك كەمیشیكردوە.

وتیشی: بەگشتی نرخی کرێ خانو لە نێوا ١٠٠ هەزار تا ٤٠٠ هەزار دیناردا وەستاوە.

دەربارەی ژمارەی کرێنشینان لە دەڤەرەکەدا، سەرۆکی لقی گەرمیانی کۆمەڵەی داکۆکی لە مافی کرێنشینان دەڵێت: كرێنشین زیادینەكردوە و هیچ ئاماژەیەک نییە بۆ ئەوەی زیاد بکات.