رادیۆی دەنگ

بەڕێوبەری كاره‌باى گه‌رمیان ئاشکرای دەکات به‌هۆى كه‌مبونه‌وه‌ى به‌رهه‌مهێنانەوە رۆژانه‌ ته‌نها ده‌توانن 4 كاتژمێر كاره‌با بده‌ن به‌ ماڵان، جەختیشدەکاتەوە رون نییە‌ كه‌ى ئه‌م دۆخه‌ چاره‌سه‌ر ده‌بێت.

حازم كه‌ریم، به‌ڕێوبه‌رى گشتی كاره‌باى گه‌رمیان، بۆ رادیۆى ده‌نگ وتى: رۆژانه‌ ته‌نها ده‌توانین 4 كاتژمێر كاره‌با به‌ هاوڵاتیان بده‌ین چ له‌ سه‌نته‌رى شاره‌كان چ له‌ گونده‌كان.

وتیشى: بەهۆی دابەزینی بەرهەمەوە، ئێستا رۆژانە 50 بۆ 55 مێگاوات کارەبامان پێدەگات و رێژه‌كه‌ش كه‌م و زیاد ده‌كات.

ده‌شڵێت: له‌ ئێستادا هیچ بڕه‌ كاره‌بایه‌ك نادرێته‌ خواروى عێراق، كارگه‌ گه‌وره‌كانیش به‌ نیوه‌ى كاره‌كانیان راگرتوه‌، ئەمەش لەپێناو دابینکردنی کارەبای پێویست بۆ هاوڵاتیانی هەرێم.

جه‌ختى له‌وه‌شكرده‌وه‌: نازانین دۆخه‌كه‌ى تاكه‌ى به‌مشێوه‌یه‌ به‌رده‌وام ده‌بێت، بەوپێیەی دۆخەکە گشتگیرە و تایبەت نییە بە ناوچەی ئێمەوە.