رادیۆی دەنگ

بەهۆی هێرشەکانی ئەمەریکا و ئیسرائیل بۆ سەر ئێران، ئیدارەی گەرمیان ئامادەکاریی دەکات لە ئەگەری هاتنی ئاوارە بۆ ناوچەکە، بۆ ئەم مەبەستەش دەستیکردوە بە پاککردنەوەی کەمپی قۆرەتو.

بەپێی زانیارییەکانی رادیۆی دەنگ، ئیدارەی گەرمیان دەستیکردوە بە پاککردنەوەی کەمپی ئاوارەکانی قۆرەتو لە ناوچەی بان راسایی لە ناحییە قۆرەتو و ئامادەکردنی بۆ هەر حاڵەتێک کە روبدات.

رادیۆی دەنگ بۆ ئەم مەبەستە پەیوەندی بە ئیدارەی گەرمیانەوە کرد، بەڵام ئامادەنەبون لێدوان بدەن.

کەمپی ئاوارەکانی قۆرەتو لە ناوەڕاستی ساڵی ٢٠١٤ دروستکرا، لەلایەن لەلایەن ئیدارەی گەرمیان و وەزارەتی کۆچ و کۆچبەرانی عێراق و بە هاوکاریی ڕێکخراوە نێودەوڵەتییەکان (وەک UNHCR) بونیادنرا بۆ لەخۆگرتنی ئەو خێزانە ئاوارانەی کە زۆربەیان لە ناوچە جێناکۆکەکانەوە هاتبون. 

پێشتر رادیۆی دەنگ لە راپۆرتێکدا ئاشکرای کرد، کە بەشێکی زۆری کەلوپەلەکانی کەمپەکە دیار نەماون، ئەوکات ئیدارەی گەرمیان ئاماژەی بەوەدا کە بە شێوەی لەئەستۆگرتن "ذمة" دراوە بە فەرمانگەکانی سنورەکە.