رادیۆی دەنگ

دوای هێرشی ئەمەریکا و ئیسرائیل بۆ سەر ئێران، بەڕێوبەری ناحیەی قۆرەتو هۆشداریی دەدات لەوەی هاوڵاتیان نەچنە ناوچە سنورییەکان.

سەردار محەمەد، بەڕێوبەری ناحیەی قۆرەتو لە گەرمیان، بەرادیۆی دەنگی راگەیاند: سنورەکەمان سنورێکی نێودەوڵەتییە، هاوڵاتیان نابێت لە بارودۆخی ئاساییشدا بچنە نزیکیەوە، ئێستا کە شەڕ لەئارادایە، ئەوا زیاتر دەبێت لەو سنورانە دوربکەونەوە.

دەربارەی ئەو کەسانەی کە جوتیارن و کشتوکاڵیان لەو گوندانەی نزیک بە سنور هەیە، بەڕێوبەری ناحییەی قۆرەتو وتی: ئێستا دەبێت زیاتر وریابن و بە وریاییەوە بڕۆنە ئەو شوێنانە.

بەشێک لە گوندەکانی سنوری ناحییەی قۆرەتو، هاوسنورن لەگەڵ ئێران، هاوکات دەروازەی نێودەوڵەتی پەروێزخانیش دەکەوێتە ئەو ناحییەوە.