رادیۆی ده‌نگ

هەریەك لە پۆندەكانی گوندی توكن و گۆمەبەحریی و نه‌وجول له‌ گه‌رمیان كاركردن تێێدا بەردەوامە، بەڵام به‌ سستى، به‌رَێوبه‌رێكیش ئاماژه‌ به‌وه‌ده‌دات كه‌ له‌نێوان 5 بۆ 10% كاریان تێداكراوه‌.

لە سەرەتای ئەمساڵەوە دەستكرا بە كاركردن لە پۆندی گوندەكانی توكن و گۆمەبەحریی و نەوجول به‌ گوژمەی زیاتر لە 2 ملیار دینار، ئه‌مه‌ش بە مەبەستی گلدانەوەی ئاوی باراناو.

موئەیەد ئەحمەد، بەڕێوبەری بەڕێوبەرایەتی ئاودێریی گەرمیان، لەمبارەیەوە بە رادیۆی دەنگی وت: كارەكانی ئەو پۆندانە به‌ردەوامە، بەڵام سستە، ئەمەش تەنها هۆكارەكەی بارانبارین و دروستبونی قوڕولیتەیە.

وتیشی: له‌گه‌ڵ نه‌مانى قوڕولیته‌دا، بڕیارە دوبارە بەشێوەیەكی خێرا دەستبكرێتەوە بە كاركردن تێیاندا.

ئاماژه‌ى به‌وه‌شدا پۆندی نه‌وجول نزیكه‌ى 10%ـى كاره‌كانى ته‌واو بوه‌، به‌ڵام دو پۆنده‌كه‌ى تر رێژه‌ى كاركردن تێیاندا نزیكه‌ى 5% ده‌بێت.