رادیۆی دەنگ

بەپێی ئامارەکانی ئەنجومەنی دادوەریی، لە سنوری گەرمیاندا هەم هاوسەرگیریی زیادیان کردوە هەم جیابونەوەش، هاوکات لەبەرامبەر هەر ٣ حاڵەتی هاوسەرگیریی نوێ، حاڵەتێکی جیابونەوە هەیە.

بەپێی ئامارەکە کە وێنەی دەست رادیۆی دەنگ کەوتوە، لەماوەی ساڵی ٢٠٢٥ـدا لە گەرمیان، (٣) هەزار و (٦٦) هاوسەرگیریی ئەنجام دراوە.

هاوکات هەر لەو ساڵەدا، (٩٩٠) حاڵەتی جیابونەوەی هاوسەران تۆمار کراوە.

بەمپێیەش بەنزیکەیی لەبەرامبەر هەر ٣ حاڵەتی هاوسەرگیریی نوێ، حاڵەتێکی جیابونەوەی هاوسەران هەیە.

ئامارەکە ئاماژە بەوەدەدات کە لەچاو ساڵی ٢٠٢٤ـدا، لەساڵی ٢٠٢٥ـدا هەم حاڵەتەکانی هاوسەرگیریی و هەمیش جیابونەوە زیادیان کردوە، چونکە لە ٢٠٢٤ـدا (٢) هەزار و (٧٠٦) حاڵەتی هاوسەرگیریی هەبوە، لەگەڵ (٧٢٨) حاڵەتی جیابونەوە.