رادیۆی دەنگ

بۆ مانگی رەمەزان جگە لە ٤ جۆر شەربەت، فرۆشتنی شەربەتە رەنگدارەکانی دیکە قەدەغە کراوە، بەڕێوبەرایەتی خۆپاراستنی تەندروستی گەرمیانیش دەڵێت: هەركەسێك پابەند نەبێت سزادەدرێت.

تۆفیق محەمەد، لێپرسراوی هۆبەی چاودێریی تەندروستی بەڕێوبەرایەتی خۆپاراستنی تەندروستی گەرمیان، بۆ رادیۆی دەنگ وتی: جگە لە شەربەتەكانی (هەنار، پرتەقاڵ، قەیسی و مێوژ) هەمو جۆرە شەربەتێكی تر كە رەنگدارن و كەس نازانێت لە چی دروستكراون، قەدەغەیە.

جەختیشیکردەوە لەوەی "ئەو شەربەتەکانی دیکە زیان بە تەندروستی دەگەیەنن".

لێپرسراوی هۆبەی چاودێریی تەندروستی، ئاماژەی بەوەشدا بۆ بەدواداچونی ئەم بابەتە، دو لیژنەی تایبەتیان هەیە و وەکخۆی وتی: بەبەردەوامی چاودێریی دوكان و بازاڕەكان دەكەین و هەر كەسێك پابەند نەبێت و ئەو جۆرە شەربەتانە بفرۆشێت، سزا دەدرێت.