رادیۆی دەنگ

وابڕیاربو پاركێكى خێزانى له‌سه‌ر روبه‌رى 130 دۆنم زه‌وى له‌ كه‌لار دروستبكرێت، به‌ڵام تاوه‌كو ئێستا له‌ قۆناغى ته‌نده‌ریندا به‌ چه‌قبه‌ستویی ماوه‌ته‌وه‌، شاره‌وانى كه‌لاریش ده‌ڵێت: هۆكاره‌كه‌ى نه‌بونى بودجه‌یه‌.

ئارام نه‌جمه‌دین، به‌رپرسی به‌شى باخچه‌كان له‌ سەرۆکایەتی شاره‌وانى كه‌لار، بۆ رادیۆى ده‌نگ باسى له‌وه‌كرد: پاركى مام كه‌ پاركێكى خێزانییه‌ و له‌سه‌ر روبه‌رى 130 دۆنم دروستده‌كرێت، زۆربه‌ى قۆناغه‌كانى بڕیوه‌ و گه‌یشتوه‌ته‌ ته‌نده‌رین.

ده‌شڵێت: پرۆژەکە له‌ قۆناغى ته‌نده‌ریندا به‌ چه‌قبه‌ستویی ماوه‌ته‌وه‌، هۆكاره‌كه‌شى نه‌بونى بودجه‌یه‌، بۆیه‌ هیچ به‌ره‌وپێشچونێك نیه‌ له‌ پرۆژەکەدا.