رادیۆی دەنگ

دوای ئەوەی دانانی کامێرای خاڵ بۆ خاڵ لەسەر رێگای کەلارـ کفری کەوتە بواری جێبەجێکردنەوە، لەبارەی ئەوەی کەی لەسەر رێگای کەلارـ دەربەندیخان دادەنرێت، هاتوچۆی گەرمیان کاتەکەی دیارییدەکات.

سامان ئەحمەد، وتەبێژی هاتوچۆی گەرمیان بە رادیۆی دەنگی راگەیاند: بڕیارە تەواوی رێگا جوت سایدەکان بکرێن بکە کامێرای خاڵ بۆ خاڵ.

وتیشی: جارێک بۆ رێگای کەلارـ دەربەندیخان کات دیاریینەکراوە، چونکە جارێک پرۆژەی بە دوساید کردنەکە حکومەت وەرینەگرتوەتەوە.

دەشڵێت: هەرکات رێگاوبان پرۆژەکەی لە بەڵێندەرەکە وەریگرتەوە، ئەوکات دەست دەکرێت بە دانانی کامێرای خاڵ بۆ خاڵ.

پێشتر رادیۆی دەنگ بڵاویکردەوە کە رێگای کەلارـ کفری درێژییەکەی ٤۲ کیلۆمەترە، دەستکراوە بە دانانی کامێرای خاڵ بۆ خاڵ و بۆ هەر پێنج کیلۆمەترێک کامێرایەک دادەنرێت.