رادیۆی دەنگ

 

دو رۆژە لیژنەیەکی وەزارەتی خوێندنی باڵای عێراقی هاتوەتە گەرمیان بەمەبەستی پرسی داننان بە کۆلێج و بەشەکانی زانکۆی پۆلیتەکنیکی گەرمیان.

 

د. چیا محەمەد، سەرۆکی زانکۆی پۆلیتەکنیکی گەرمیان، بە رادیۆی دەنگی راگەیاند: لە چوارچێوەی هەوڵەکان بۆ بەرزکردنەوەی ئاستی زانستی و بەدەستهێنانی دانپێدانانی فەرمی، لیژنەی دانپێدانانی وەزارەتی خوێندنی باڵا و توێژینەوەی زانستی عێراق، دو رۆژە هاتونەتە گەرمیان.

 

وتیشی: لیژنەکە بەسەرکردنەوەیەکی مەیدانی بۆ سەرجەم کۆلێج و پەیمانگا و بەشە نوێیەکانی زانکۆی پۆلیتەکنیکی گەرمیان ئەنجامداوە.

 

بەوتەی خۆی ئامانجی لیژنەکە پشکنینی تاقیگە و هۆڵەکانی خوێندن، هەروەها هەڵسەنگاندنی ئاستی زانستی زانکۆکەیە، بەمەبەستی تەواوکردنی ڕێکارەکانی دانپێدانانی فەرمی بۆ کۆلێج و پەیمانگاکان و بەشە نوێیەکانی زانکۆ لەسەر ئاستی عێراق.