رادیۆی دەنگ

 

دوای ئەوەی وەزارەتی بازرگانی عێراق بڕیاریدا کە هەمو جوتیارێک دەبێت کارتی بایۆمەتری بکات، لەگەرمیاندا تائێستا زیاتر لە ۲ هەزار جوتیار خۆیان تۆمارکردوە.

 

لاوان مەحمود، بەرپرسی بنکەی تۆماری بایۆمەتری لە بانکی گەرمیان، بەرادیۆی دەنگی وت: نزیکەی ۹ هەزار جوتیار لەسنورەکە داوای خوتەی گەنم یاخود زەوی کشتوکاڵیان هەیە و داوا دەکەن تۆماربکرێن و بایۆمەترییان بۆ بکرێت، ئەمەش رێژەیەکی زۆرە و بە یەک بنکە تەواوناکرێت.

 

دەشڵێت: بۆ ئەم مەبەستەش  لە ئێستادا سێ بنکەی تایبەت بۆتۆمارکردنی بایۆمەتری جوتیاران کراوەتەوە لە بەڕێوبەرایەتی کشتوکاڵی گەرمیان و بانکی گەرمیان و لەقەزای دەربەندیخانیش بەهەمانشێوە، ئەمەش بەمەبەستی ئاسانکاریی بۆ جوتیاران.

 

وتیشی: لە ئێستادا لە هەر ۳ بنکەکەدا بەردەوام بایۆمەتری بۆ جوتیاراندەکرێت و لە هەردو بنکەی سنوری گەرمیانیش ۲ هەزار و ٥۰۰ جوتیارسەردانیان کردوە بۆ خۆتۆمارکردن لە فۆڕمی جوتیاری ئەلیکترۆنی.

 

باسی لەوەشکرد پرۆسەکە تا ١ـی ٣ بەردەوام دەبێت.