رادیۆی دەنگ
دوای ئەوەی گرژی لەنێوان ژمارەیەک شۆفێری کورد و ئەفسەرێکی ئێرانی دروست بو و راگیرانی جوڵەی بازرگانی دەروازەی پەروێزخانی لێکەوتەوە، بەڕێوبەری دەروازەکە دەڵێت: گرفتەکەمان چارەسەر کرد.
عەباس ئیسماعیل، بەڕێوبەری دەروازەی پەروێزخان، بەرادیۆی دەنگی راگەیاند: دوای پەیوەندیکردن بە بەرپرسانی ئێرانەوە، گرفتەکە چارە کرا و لەئێستادا جموجوڵ ئاسایی بوەتەوە.
وتیشی: ئەم گرفتانە گرفتی ئاسایین، زۆرجار شتی وا رودەدات و ئێمەش بەرگری لە شۆفێرانی خۆمان دەکەین و هەمو هەوڵێک دەدەین بۆ ئەوەی کارەکانیان ئاسان بڕوات.
پێشتر رادیۆی دەنگ بڵاویکردەوە کە گرفت لەنێوان ئەفسەرێکی کۆماری ئیسلامی ئێران بەناوی زەبیحی و ژمارەیەک شۆفێرێکی کورد دروست بوە، بەو هۆیەوە بۆ ماوەی چەند کاتژمێرێک مەرزی پەروێزخان داخرا.
زۆرترین بینراوەکان
