رادیۆی دەنگ

 

بەهۆی دروستکردنی گرفت لەلایەن لایەنی ئێرانییەوە، هاتوچۆی بازرگانی لە دەروازەی پەروێزخان راگیراوە، بەڕێوبەری دەروازەکەش دەڵێت: لە هەوڵی چارەسەرکردنی کێشەکەداین.

 

بەپێی زانیارییەکانی رادیۆی دەنگ، ئەمڕۆ لەنێوان ئەفسەرێکی کۆماری ئیسلامی ئێران بەناوی زەبیحی و چەند شۆفێرێکی کورد دروست بوە.

 

لەو بارەیەوە سەرچاوەیەک بەرادیۆی دەنگی راگەیاند: نزیکەی ۳ کاتژمێرە دەرگای دەروازەکە داخراوە، ئەفسەرە ئێرانییەکە نزیکەی ٤۰ شۆفێری کوردی ناردوەتەوە بۆ کوردستان و ئۆتۆمبێلەکانیان لەدیوی ئێرانە، لەبەرامبەردا ئیدارەی دەروازەی پەروێزخانیش لە دیوی هەرێم، ژمارەیەک شۆفێری ئێرانی راگرتوە تاچارەسەرکردنی کێشەکە.

 

لایخۆشییەوە عەباس ئیسماعیل، بەڕێوبەری دەروازەی پەروێزخان بە رادیۆی دەنگی راگەیاند: دەروازەکە دانەخراوە، بەڵکو ئەوەی هەیە کێشەیەکی بچوکە و لە هەوڵی چارەسەرکردنی داین.

 

وتیشی: چەندینجار شتی وا رودەدات و چارەسەر دەکرێت.