رادیۆی دەنگ

 

لەبەردەم ماڵی بەرپرسی ئۆپراسیۆنی ئاسایشی گەرمیان تەقە دروست دەبێت، بەڕێوبەرایەتی پۆلیسی گەرمیانیش هۆکارەکەی دەگەڕێنێتەوە بۆ هەوڵی رفاندنی مناڵی ئەو بەرپرسە.

 

شەوی رابردو ٤ کەس لە کفری ویستویانە مناڵی بەرپرسی ئۆپەراسیۆنی ئاسایشی گەرمیان بفڕێنن، بەڵام بۆیان نەکراو، تەقەکردن لەنێوان هەردولادا دروست دەبێت.

 

رائید سەربەرز عومەر، لێپرسراوی راگەیاندنی بەڕێوبەرایەتی پۆلیسی گەرمیان، جەختی لە روداوەکە کردەوە و بۆ رادیۆی دەنگ وتی: ئەو کەسانەی ویستویانە ئەو کردەوەیە ئەنجام بدەن، ٤ کەسن، سیانیان ناسراون و دانەیەکیان نەناسراوە.

 

وتیشی: ئەو کەسانە لەئێستادا بەپێی ماددەی ٤۲۱ لە یاسای سزادانی عێراقی فەرمانی دەستگیرکردنیان بۆ دەرچوە و هێشتا دەستگیر نەکراون.