رادیۆی دەنگ

 

ئامارە فەرمییەکانی پۆلیسی گەرمیان ئاماژە بە زیادبوونێکی بەرچاوی حاڵەتەکانی رفاندن لە سنورەکەدا دەكەن، بە شێوەیەک کە ژمارەی حاڵەتەکان لە ماوەی ساڵی رابردودا بەراورد بە ساڵی پێشوتر، سێ هێندە زیادیکردوە.

 

بەپێی ئامارێكى بەڕێوبەرایەتی پۆلیسی گەرمیان كه‌ تایبه‌ت دەست رادیۆی دەنگ کەوتوه‌، لە ماوەی ساڵی رابردودا، (15) حاڵەتی رفاندن لە سنوری ئیدارەی گەرمیان تۆمارکراون.

 

ئەم داتایانە نیشانی دەدەن کە تاوانى رفاندن لە ناوچەکەدا روی لە هەڵکشان کردوە؛ بەوپێیەی لە ساڵی 2024ـدا تەنها (5) حاڵەتی رفاندن تۆمارکرابون، بەمەش ئامارەکانی ساڵی رابردو (10) حاڵەت زیادیان کردوە، كه‌ بەرزبونەوەیەکی بەرچاوه‌ لە ئاستی روداوە تاوانکارییەکانی ناوچەکەدا.