رادیۆی دەنگ

 

بەڕێوبەری گشتی شاره‌وانیه‌كانى گه‌رمیان ئاشکرای دەکات له‌م‌ هه‌فته‌یه‌دا ده‌ست به‌ دابه‌شكردنى زه‌وى ده‌كرێت بەسەر فەرمانبەراندا.

 

به‌رزان كه‌ریم، بۆ رادیۆى ده‌نگ وتى: لە هەفتەی داهاتو لە قەزاکانی کفری و رزگاریی دەست بە پرۆسەکە دەکرێت، له‌ قۆناغى یه‌كه‌مدا زیاتر له‌ 2 هه‌زار پارچه‌ زه‌وى ئاماده‌یه‌ بۆ دابه‌شكردن لەهەردو قەزاکە، به‌جۆرێك هه‌زارى ده‌كەوێتە قه‌زا كفرى و هەزارەکەی تریش لە قه‌زاى رزگارییە.

 

وتیشى: ئه‌گه‌ر شتێك نه‌یەتە پێشه‌وه‌، بریارمانداوه‌ و چاوه‌ڕوان ده‌كرێت له‌م هه‌فته‌یه‌دا له‌ رێگه‌ى تیروپشكى ئه‌لیكترۆنیه‌وه‌ ئه‌و زه‌ویانه‌ دابه‌ش بكه‌ین، ئەویش به‌ ئاماده‌بونى ئیداره‌ى گه‌رمیان و داواكارى گشتى گه‌رمیان و نوێنه‌رى هه‌ریه‌كه‌ له‌ قایمقامیه‌ته‌كانى كفرى و رزگاریی.