رادیۆی دەنگ
له‌نێو سه‌نته‌رى گورچیله‌ى دەستکرد لەكه‌لار كۆمه‌ڵێك گرفت هه‌ن له ئامێره‌كان، به‌ڵام كۆمپانیا پابه‌ندى چاكکردنه‌وه‌یان نابێت، به‌ڕێوبه‌رى سه‌نته‌ره‌كه‌ش ده‌ڵێت: نوسراومان كردوه بۆ ئه‌و مه‌به‌ست، به‌ڵام وه‌ڵام نه‌دراوینه‌ته‌وه.
كاروان محه‌مه‌د، به‌ڕێوبه‌رى سه‌نته‌رى گورچیله‌ی دەستکرد له كه‌لار، بۆ رادیۆى ده‌نگ باسى له‌وه‌كرد: له ساڵى 2014ـه‌وه پرۆژه‌یه‌كى نیشتیمانى هه‌یه له حكومه‌تى ناوه‌ند و وه‌زاره‌تى ته‌ندروستى، هه‌ر جارە و نزیكه‌ى 150 هه‌زار سێتى پشكنین و غه‌سلى گورچیله دابیندەکرێت.
وتیشى: هاوکات له رێگه‌ى كۆمپانیاى تایبه‌تمه‌نده‌وه ئامێره‌كانی تایبەت بە ششتنەوەی گورچیلە چاكده‌كرێته‌وه، پێشتر كۆمپانیایه‌ك پرۆژەکەی وەرگرتبو کە بەباشی کارەکانی دەکرد و کێشه‌مان نه‌بو، به‌ڵام له‌وه‌ته‌ى كۆمپانیاى (سدرال) ده‌ستبه‌كاربوە، پابه‌ندییه‌كانى وه‌كخۆى جێبه‌جێ ناكات.
ده‌شڵێت: حاڵی حازر كێشه‌مان هه‌یه له هه‌ندێك لە ئامێره‌كاندا و کۆمپانیا بەدەممانەوە نایەت و هیچ پابەندییەکی نییە، بۆ ئەم مەبەستەش دوجار نوسراومان لەڕێگەی بەڕێوبەرایەتی گشتی ته‌ندروستى گه‌رمیانەوە کردوە بۆ وه‌زاره‌تى ته‌ندروستى هه‌رێم و وه‌زاره‌تى ته‌ندروستى عێراق، کەچی هیچ وه‌ڵامدانه‌وه‌یه‌ك نه‌بوه.
هێماى بۆ ئه‌وه‌شكرد: ئامێرى وامان هه‌یه 3 مانگه خراپ بوه، بەڵام کۆمپانیا نه‌هاتون چاكى بكه‌ن، هاوکات UPSـی هه‌مو سه‌نته‌ره‌كه خراپ بوه و پێویسته بگۆڕدرێت، کەچی کۆمپانیا نایەت بە دەممانەوە.
لایخۆشییەوە کاروان یاروەیس- ئەندامی ئەنجومەنی نوێنەرانی عێراق، رایگەیاند: لەسەر ئەم پرسە نوسراوێکی ئاراستەی وەزارەتی تەندروستی عێراق کردوە، بۆ ئەوەی کۆمپانیاکە پابەندبکەن بە چاککردنەوەی ئامێرەکان و جێبەجێکردنی پابەندییەکانی.
- دوایین بابەتەکان
-
هەواڵبەراورد بە ساڵی پار راوکردن لە گەرمیان زیادی کردوە
-
-
هەواڵبەتۆمەتی هەڵگرتنی کیلۆیەک ماددەی هۆشبەر لە گەرمیان کەسێک دەستگیر دەکرێت
-
-
هەواڵجارێکی تر کارکردن لە ١٤٤ شوقەکەی کەمدەرامەتانی کەلار راوەستا
-
-
هەواڵخۆپاراستنی تەندروستی گەرمیان: ساغکردنەوەی خواردن و کەرەستەی بەسەرچو نەبوە بە دیاردە
-
-
هەواڵلەسەر کەیسی تەقەکردن لە 'نەقیب هاوڕێ' کەسێکی دیکە دەستگیر کرا
-
زۆرترین بینراوەکان
