رادیۆی دەنگ

 

بۆ ماوه‌ى نزیكه‌ى ساڵێك ده‌بێت پۆستى قایمقامیه‌تى قه‌زاى كه‌لار پڕنه‌كراوه‌ته‌وه‌ و له‌لایه‌ن جێگرى سه‌رپه‌رشتیارى ئیداره‌ى گه‌رمیانه‌وه‌ به‌ وه‌كالەت به‌ڕێوه‌ ده‌برێت، ئیداره‌ى گه‌رمیانیش ئاماژە بەوەدەکات بڕیارێکی ئه‌نجومه‌نى وه‌زیران هۆکارە‌.

 

چۆمان ئه‌حمه‌د، به‌ڕێوبه‌رى راگه‌یاندن و په‌یوه‌ندیه‌كانى ئیداره‌ى گه‌رمیان بۆ رادیۆى ده‌نگ وتى: هۆكارى پڕنه‌كردنه‌وه‌ى پۆستى قایمقامیه‌تى قه‌زاى كه‌لار په‌یوه‌سته‌ به‌ بڕیارێكى ئه‌نجومه‌نى وه‌زیرانه‌وه‌ كه‌ هه‌مو جۆرێک دامه‌زراندن و ئاڵگۆڕكردنی وه‌زیفى راگرتوه‌، ئه‌مه‌ش بوه‌ به‌هۆكارى ئه‌وه‌ى نه‌توانرێت كه‌سێك بۆ ئەو پۆستە دابنرێت.

 

ده‌شڵێت: هەربۆیە و بەهۆکاری ئەو دۆخە، له‌ ئێستادا ئه‌و پۆسته‌ له‌لایه‌ن جێگرى سه‌رپه‌رشتیارى ئیداره‌ى گه‌رمیان بۆ كاروبارى كارگێڕیی به‌ وه‌كاله‌ت به‌ڕێوه‌ ده‌برێت.