رادیۆی دەنگ

 

دادگای تاوانەکانی کەرکوک/ گەرمیان سزای لەسێدارەدانی بۆ باوکێک دەرکرد کە سێ ساڵ پێش ئێستا کچەکەی خۆی کوشتبو.

 

ساڵی ۲۰۲۲ لە قەزای کفری، باوکێک دەچێتە قوتابخانە و سەردانی کچەکەی دەکات کە لەپۆلی ۷ـی بنەڕەتییە، بەبیانوی ئەوەی دەیبات بۆ پیاسە، لە قوتابخانە دەریکردوە و دواتر بردویەتی بۆ ماڵەوە و بە فیشەکێک کوشتویەتی.

 

دوای لێکۆڵینەوە و دەستگیرکردنی باوکەکە، ئەمڕۆ دادگای تاوانەکانی کەرکوک/ گەرمیان، دوا بڕیاری لەبارەی دۆسییەکەوە دا و سزای لەسێدارەدانی بۆ باوکی کچەکە دەرکرد.

 

بەوتەی پارێزەرێک، لە هەرێمی کوردستان سزای لەسێدارەدان جێبەجێ ناکرێت، بۆیە تاوانبارەکە تا هەتایە لە زینداندا دەمێنێتەوە.