رادیۆی دەنگ

 

وابڕیاربو سه‌نته‌رێکی ئۆتیزم تایبه‌ت به‌و مناڵانه‌بكرێته‌وه‌ كه‌ ته‌مه‌نیان سه‌روى 12 ساڵە،‌ به‌ڵام تاوه‌كو ئێستا نه‌كراوه‌ته‌وه‌، به‌ڕێوبه‌رى چاودێریی كۆمه‌ڵایه‌تى گه‌رمیانیش ده‌ڵێت: سەرقاڵی ئاماده‌كردنى بیناین.

 

ژیلوان عادل، به‌ڕێوبه‌رى گشتی چاودێریی و گه‌شه‌پێدانى كۆمه‌ڵایه‌تى گه‌رمیان، بۆ رادیۆى ده‌نگ وتى: له‌ ئێستا سه‌رقاڵى ئه‌وه‌ین بیناى په‌یمانگاى نابیستان كه‌ مانگێكى تر‌ چۆڵ ده‌بێت، نۆژه‌نى بكه‌ینه‌وه‌ له‌گه‌ڵ دروستكردنى بینایه‌كى نوێ بۆ سه‌نته‌رى ئۆتیزمى ناحیه‌ى رزگاریی.

 

وتیشى: دواى ئه‌وه‌ بڕیار ده‌ده‌ین كه‌ به‌شێكى ته‌رخان بكه‌ین بۆ ئه‌و مناڵانه‌ى كه‌ ئۆتیزمیان هەیە و ته‌مه‌نیان 12 ساڵ به‌سه‌ره‌وه‌یه‌.

 

بەپێی ئەو رێنماییانەی کە هەیە، سەنتەرە حکومییەکانی تایبەت بە ئۆتیزم، مناڵان هەتا تەمەنی 12 ساڵ وەردەگرێت و لەو تەمەنە بەسەرەوە وەرناگرێت، ئەمەش کێشەی بۆ ئەو خێزانانە دروستکردوە کە مناڵەکانیان تەمەنیان هەڵدەکشێت.