رادیۆی دەنگ

 

‎دوای ئەوەی دوێنێ هێرشكرایە سەر  كێڵگەی غازی كۆرمۆر، بەمهۆیەوە گرفت بۆ کارەبای هەرێم دروستبو، بەڕێوبەری كارەبای گەرمیانیش دەڵیت: كارەبای سنورەكە كەمیكردوە بۆ نیوە.

 

‎حازم كەریم، بەڕێوبەری گشتی كارەبای گەرمیان، بە رادیۆی دەنگی راگەیاند: پێشتر ١٢٠ مێگاوات كارەبامان بۆ دەهات، بەڵام دوای هێرشەکەی دوێنێشەوی سەر کێڵگەی کۆرمۆر، نزیكەی ٦٠ مێگاوات دەبێت، بەمەش بە نیوە کارەبای ناوچەکە دابەزیوە.

 

‎وتیشی: ئەمەش وادەكات ئەگەر پێشوتر ١٥ كاتژمێر كارەبا درابێت، لە ئێستادا دەبێتە نزیكەی ٨ كاتژمێر.  

 

‎دەشڵێت: تاوەكو گرفتی بەرهەمهێنانی غاز  چارەسەر دەبێت، دۆخەکە بەمجۆرە بەردەوام دەبێت.