رادیۆی دەنگ
گەنجێکی کەلاریی لە عەلوەی سلێمانی لەلایەن گەنجێکی ترەوە بە دەڕنەفیز کوژراوە و پۆلیسیش دەڵێت: بکوژەکە هەڵهاتوە.
سەرکەوت ئەحمەد، وتەبێژی بەڕێوبەرایەتی پۆلیسی سلێمانی، بە رادیۆی دەنگی وت: سەرلەبەیانی ئەمڕۆ لە عەلوەی سلێمانی دو گەنج بوە بە شەڕیان و یەکێکیان ئەوەکەی تری کوشتوە بە لێدانی دەڕنەفیز.
بەپێی زانیارییەکانی رادیۆی دەنگ، گەنجە کوژراوەکە خەڵکی کەلارە و ناوی (هێرش محەمەد کەریم)ـە.
وتەبێژی پۆلیسی سلێمانی، ئاماژەی بەوەدا کە دوای روداوەکە بکوژەکە هەڵهاتوە و تائێستا دەستگیر نەکراوە.
وتیشی: هێشتا هۆکاری شەڕەکەیان نازانرێت و پۆلیس سەرقاڵی لێکۆڵینەوەیە.
زۆرترین بینراوەکان
