رادیۆی دەنگ

 

گەنجێک کە پێشتر پاسەوانی لاهور شێخ جەنگی- سەرۆکی بەرەی گەل بوە، لەکەلار دەستگیر دەکرێت، برایەکیشی دەڵێت: "بڕیارە سبەی بێتەوە".

 

بەپێی زانیارییەکانی رادیۆی دەنگ، گەنجەکە کە ناوی هێمن عەبدولکەریمە، پێشتر پاسەوانی لاهور شێخ جەنگی- سەرۆکی بەرەی گەل بوە. لەدوای روداوی هێرشکردنە سەر لالەزار و دەستگیرکردنی لاهور شێخ جەنگی، ئەو توانیویەتی هەڵبێت و دوای ماوەیەک گەڕاوەتەوە بۆ ماڵی خۆیان لە کەلار.

 

لایخۆشییەوە، سەرچاوەیەکی نزیک لە گەنجەکە باسی لەوەکرد: گەنجەکە لای ئاسایش دەستبەسەرە و لێکۆڵینەوەی لەگەڵدا دەکرێت.

 

بەڵام مەحمود عەبدولکەریم، برای هێمن، بە رادیۆی دەنگی وت: "براکەم نەگیراوە، تەنها لەلایەن ئاسایشەوە بانگ کراوە و هەندێک پرسیاری لێدەکرێت و بڕیارە سبەینێ بێتەوە و هیچ گرفتێک نییە".