رادیۆی دەنگ

 

پرۆژەی قیرتاوکردنی شه‌قامى ته‌نیشت بەڕێوبەرایەتی پاسپۆرت لە کەلار، دوای ‌2 مانگ دەستپێکردن، کارکردن تێیدا گەیشتوەتە قیرکردن و نەکراوە، بەرپرسێکی شارەوانی کەلاریش دەڵێت: بەڵێندەرەکە زیاتر لەوەی هەیە کاری کردوە، بەڵام حکومەت پارەی بۆ خەرج ناکات.

 

دلێر حه‌سەن، لێپرسراوی ‌به‌شى پرۆژه‌كان له‌ شاره‌وانى كه‌لار، بۆ رادیۆى ده‌نگ باسى له‌وه‌كرد: ئه‌و پرۆژه‌یه‌ له‌سه‌ر بودجه‌ى په‌رەپێدانى پارێزگاكانە لە ئیداره‌ى گه‌رمیان‌، خۆى له‌ 800 مه‌تردا ده‌بینێته‌وه‌.

 

وتیشى: كاركردن له‌و شه‌قامه‌ ته‌نها قیرتاوكردن و كڕه‌شى ماوه‌، خۆى پرۆژه‌كه‌‌ %30ـى كاره‌كانى ته‌واو بوه‌، به‌ڵام وه‌ك كاركردن نزیكه‌ى له‌ %60ـیشى ته‌واو بوه‌.

 

ده‌شڵێت: ماوه‌ى پرۆژه‌كه‌ 6 مانگه، بەڵام‌ ته‌نها 2 مانگه‌ ده‌ست به‌ كاركردن كراوه‌ تێیدا‌.

 

هێماى بۆ ئه‌وه‌شكرد: گوژمه‌ى پرۆژه‌كه‌‌ نزیكه‌ى 540 ملیۆن دینارە، تاوه‌كو ئێستاش هیچ بڕه‌ پاره‌یه‌ك بۆ به‌ڵێنده‌رەکەی خه‌رج نه‌كراوه‌.