رادیۆی دەنگ
بەشێکی بەرچاوی روناکی سەر شەقامەکانی کەلار لە شەواندا کارناکەن، یان ناوەناو کاردەکەن، بەڕێوەبەرایەتی کارەبای گەرمیانیش هۆکارەکەی دەگەڕێنێتەوە بۆ نەبونی سەرچاوەی کارەبای بەردەوام و پێویستی بە نۆژەنکردنەوە.
حازم کەریم، بەڕێوەبەری گشتی کارەبای گەرمیان، لە لێدوانێکدا بۆ رادیۆی دەنگ، ئاماژەی بەوەدا کە ژمارەیەک لە شەقامەکانی کەلار بەتایبەتی لە گەڕەکی ئاوارەکان، روناکیەکانیان بە شێوەیەکی بەردەوام کارناکەن، ئەویش بەهۆی نەبونی سەرچاوەی کارەبای 24 کاتژمێریی.
وتیشی: "ناتوانین لە ئێستادا کارەبای بەردەوامیان بۆ دابین بکەین، بەڵام چاوەڕوانی جێبەجێکردنی پڕۆژەی روناکیین لە گەرمیان، کە بەهۆیەوە ئەم گرفتە چارەسەر دەبێت".
بەڕێوەبەری کارەبای گەرمیان، دوپاتیکردەوە کە جگە لە گرفتی سەرچاوەی کارەبا، بەشێک لە روناکی شەقامەکانیش پێویستیان بە چاککردنەوە و نۆژەنکردنەوە هەیە.
لەمبارەیەوە وتی: دەرخستەیەکمان بە بڕی 700 ملیۆن دینار ئامادەکردوە بۆ نۆژەنکردنەوەی ئەو شەقامانەی کە کێشەیان هەیە، بە دابینکردنی ئەم بڕە پارەیە، دەستبەجێ دەست بە چاککردنەوە و گەڕاندنەوەی روناکی بۆ شەقامەکان دەکەین.
ئەم لێدوانانە لە کاتێکدایە کە تاریکی شەقامەکان کاریگەری نەرێنی لەسەر جوڵەی هاوڵاتیان و سەلامەتی گشتی دروستکردوە، جگە لەوەش دیمەنێکی ناشرینی بە شەقامەکان داوە.
- دوایین بابەتەکان
-
هەواڵبەبڕی 150 ملیار دینار سێیەم پاڵاوگەی ئاو لە کەلار دروستدەکرێت
-
-
هەواڵ200 نەخۆشی گەرمیان بەهۆی نەبونی سەنتەرەوە مانگانە دەبێت بچنە سلێمانی
-
-
هەواڵشارەوانییەکانی گەرمیان: ناوی هیچ لیستێکی پێشمەرگەی دێرین بۆ وەرگرتنی زەوی نەهاتوەتەوە
-
-
هەواڵزانکۆی گەرمیان رونکردنەوە لەسەر دواکەوتنی دەستپێکردنی خولی پێداگۆجی دەدات
-
-
هەواڵقایمقامی کەلار: ئامادەکاریی پێویستمان بۆ لافاو کردوە و تائێستا دۆخەکە باشە
-
زۆرترین بینراوەکان
