رادیۆی دەنگ

 

كاركردن له‌ به‌نداوى باوه‌نور به‌رده‌وامى هه‌یه‌ و‌ %15ـی كاره‌كانى ته‌واو بوه‌، سه‌رپه‌رشتیارى به‌نداوه‌كانى گه‌رمیانیش ده‌ڵێت: پرۆژه‌كه‌ ته‌واو ده‌كرێت ئه‌گه‌ر ئاسته‌نگى مادى بۆ نه‌یه‌ته‌ پێشه‌وه‌.

 

جه‌بار مەحمود، سه‌رپه‌رشتیارى به‌نداوه‌كانى گه‌رمیان، بۆ رادیۆى ده‌نگ باسى له‌وه‌كرد: به‌نداوى باوه‌نور كاركردن تێیدا ده‌ستى پێكردوه‌ته‌وه‌ و ‌ %15ـی كاره‌كانى ته‌واو بوه‌ و كۆمپانیاش به‌رده‌وامه‌ له‌ كاره‌كانى.

 

ده‌شڵێت: كۆمپانیا پێویستى به‌ ئامێرێك بو كه‌ له‌ چینە‌وه‌ بیهێنێت كه‌ بۆ راگره‌كه‌ى پێویست بو، ئێستا هێناویه‌تى و كارى پێده‌كات.

 

وتیشى: به‌ درێژایى كیلۆمه‌ترێك و به‌ قوڵى 22 مه‌تر راگرى كۆنكریتى بۆ بەنداوەکە دروست ده‌كرێت، له‌ ئێستادا كار له‌سه‌ر ئه‌و بڕگەیە ده‌كه‌ن.

 

جه‌ختى له‌وه‌شكردوه‌: ئه‌و پرۆژه‌یه‌ ته‌واو ده‌كرێت ئه‌گه‌ر ئاستەنگی مادیی بۆ نه‌یه‌ته‌ پێشه‌وه‌.