رادیۆی دەنگ

 

یه‌كێك له‌ رێكاره‌كان بۆ رێگریكردن له‌ به‌فیڕۆدانى ئاو دانانى پێوه‌رى زیره‌ك بو بۆ ماڵان، به‌ڕێوبه‌رى بەڕێوبەرایەتی ئاوى كه‌لاریش ده‌ڵێت: رۆڵێکی ئه‌وتۆى نه‌بو، چونكه‌ هاوڵاتیان ده‌ستكاریی ده‌كه‌ن.

 

سامان ره‌حیم، به‌ڕێوبه‌رى به‌ڕێوبه‌رایه‌تى ئاوى كه‌لار، بۆ رادیۆى ده‌نگ باسى له‌وه‌كرد: یه‌كێك له‌ رێكاره‌كان بۆ رێگریكردن له‌ به‌فیڕۆدانى ئاو‌ دانانى پێوه‌رى زیره‌ك بو، به‌ڵام رۆڵى ئه‌وتۆى نه‌بوه‌. چونكه‌ هاوڵاتیان ده‌ستكارى پێوه‌ره‌كان ده‌كه‌ن و لێى ده‌كه‌نه‌وه‌.

 

وتیشى: چه‌ندینجار ئیجرائاتمان كردوه‌ و هاوڵاتى سزادراوه‌ له‌سه‌ر ئه‌و بابه‌ته‌، به‌ڵام نه‌توانراوه‌ كۆنترۆڵ بكرێت.

 

جه‌ختى له‌وه‌كرده‌وه‌: راسته‌ پێوه‌رى زیره‌ک رۆڵى هه‌بوه‌ له‌ یه‌كسان دابه‌شكردنى ئاو و جیاوازیی له‌ به‌كارهێنان و بڕى هاتنه‌وه‌ى پاره‌، به‌ڵام رێگرى ئه‌وتۆى نه‌بوه‌ له‌ به‌فیڕۆدان.