رادیۆی دەنگ

 

له‌ به‌ڕێوبه‌رایه‌تى گشتی كاره‌باى گه‌رمیان تاوه‌كو ئێستا نزیكه‌ى 170 كامه‌ند خانه‌نشین بون، به‌ڕێوبه‌رى به‌ڕێوبه‌رایه‌تیه‌كه‌ش ده‌ڵێت: تاوه‌كو ئێستا یه‌ك كارمه‌ندمان بۆ دانه‌نراوه‌.

 

حازم كه‌ریم، به‌ڕێوبه‌رى گشتى كاره‌باى گه‌رمیان بۆ رادیۆى ده‌نگ باسى له‌وه‌كرد: له‌ ساڵى 2014 تاوه‌كو ئێستا نزیكه‌ى 170 كارمه‌ندمان خانه‌نشین بون‌ كه‌ زۆرینه‌یان كرێكارن.

 

وتیشى: چه‌ندینجار داوامانكردوه‌ كارمه‌ندمان بۆ دابنرێت، به‌ڵام دانه‌نراوه‌ و وه‌كخۆى ماوه‌ته‌وه‌، له‌ كاتێكدا پێویستمان به‌ راژەی ئەو کەسانە هەیە كه‌ خانه‌نشین بون.

 

هێماى بۆ ئه‌وه‌شكرد: ئه‌ركى ئێمه‌ زۆر قورس بوه‌ له‌ ئێستادا، چونكه‌ رۆژ دواى رۆژ گه‌ڕه‌كمان زیاتر ده‌بێت و خزمه‌تگوزاریی زیاتر ئه‌بێت، پێویستیشمان به‌ كارمه‌ندى گه‌نجه‌، چونكه‌ ئه‌وانه‌شى هه‌ن و ماونه‌ته‌وه‌ تەمەنیان هەیە و تواناى كاركردنیان وه‌كپێویست نییە.