رادیۆی دەنگ

 

بۆماوه‌ى 2 رۆژه‌ پزیشكانى نیشته‌جێى خولاو له‌ نه‌خۆشخانه‌ى فریاكه‌وتنى شه‌هید هه‌ژار له‌ كه‌لار بایكۆتیان كردوه‌، به‌رێوبه‌رى نه‌خۆشخانه‌كه‌ش ده‌ڵێت: هۆكاره‌كه‌ى نه‌بونى پله‌ به‌رزكردنه‌وه‌یانه‌.

 

ره‌فیق قادر، به‌ڕێوبه‌رى نه‌خۆشخانه‌ى فریاكه‌وتنى شه‌هید هه‌ژار له‌ كه‌لار بۆ رادیۆى ده‌نگ وتى: بۆماوه‌ى 2 رۆژه‌ پزیشكانى نیشته‌جێێ خولاو له‌ نه‌خۆشخانه‌كه‌مان بایكۆتیان كردوه‌.

 

وتیشى: هۆكاره‌ى ئه‌وه‌ى وه‌جبه‌ى دواى ئه‌مان دانه‌مه‌زراون تاوه‌كو پله‌ى ئه‌مان به‌رز بكرێته‌وه‌.

 

ئه‌مه‌ له‌ كاتێكدایه‌ پزیشكانى نیشته‌جێى خولاو له‌ پارێزگاى سلێمانى و هه‌ندێك له‌ ناوچه‌كانى دیكه‌ش بایكۆتیان كردوه‌، وه‌كخۆیان ده‌ڵێن هۆكاره‌كه‌ى نه‌بونى پله‌به‌رزكردنه‌وه‌یانه‌ له‌گه‌ڵ خه‌رج نه‌كردنى موچه‌كانیان.