رادیۆی دەنگ

 

له‌ سنورى قەزای خانه‌قین 5 هه‌زار فه‌رمانبه‌ر كه‌ میلاكى هه‌رێمن مافى وه‌رگرتنى زه‌وییان هه‌یه‌، شاره‌وانیه‌كانى گه‌رمیانیش ده‌ڵێت: پلانمان هه‌یه‌ ئه‌و فه‌رمانبه‌رانه‌ له‌وبه‌رى روبارى سیروانه‌وه ‌زه‌وییان پێبده‌ین.

 

بەرزان کەریم، به‌ڕێوبه‌رى گشتى شاره‌وانیه‌كانى گه‌رمیان، بۆ رادیۆى ده‌نگ ده‌ڵێت: لەچوارچێوەی بڕیارەکەی حکومەتی هەرێم بۆ دابەشکردنی زەوی بەسەر فەرمانبەراندا، پلانێكمان هە‌یه‌ بۆ فه‌رمانبه‌رانى قه‌زاى خانه‌قین و ناوچه‌كانى ده‌وروبه‌رى كه‌ فه‌رمانبه‌رى میلاكى حكومه‌تى هه‌رێمن، له‌وبه‌رى روبارى سیروانه‌وه‌ زه‌وییان پێبدەین.

 

وتیشى: له‌ سنورى قه‌زاى خانه‌قین 5 هه‌زار فه‌رمانبه‌رمان هه‌یه‌ له‌سه‌ر میلاكى هه‌رێمن، 4 هه‌زار و 928 فۆرممان بۆ گه‌ڕاوه‌ته‌وه‌.

 

باسى له‌وه‌شكرد: ئه‌م بابه‌ته‌ش پێویستى به‌ ره‌زامه‌ندى ئه‌نجومه‌نى وه‌زیرانه‌ و پێمانڕاگه‌یه‌نراوه‌ كۆنوسێك بكرێت له‌سه‌ر ئه‌و بابه‌ته‌ و باسى واقعیه‌تى ئه‌و زه‌وییه‌ بكرێت و بیده‌ین به‌ ئه‌نجومه‌نى وه‌زیران و راى ئه‌وانى بۆ وه‌ربگرین.