رادیۆی دەنگ

 

لەبارەی دانانی سیستەمی سۆلار پەناڵ لەپرۆژەکانی نیشتەجێبون، بەڕێوبەری گشتی وەبەرهێنانی گەرمیان دەڵێت: تاوەکو ئێستا 3 پرۆژە مۆڵەتی دانانی سیستەمەکەی وەرگرتوە.

 

هونەر مەحمود، بەڕێوبەری گشتی وەبەرهێنانی گەرمیان، بە رادیۆی دەنگی راگەیاند: لەگەڵ کۆمپانیاکان کۆبوینەتەوە، پرۆژەی دانانی سۆلار پەناڵ بەخواستی خۆیانە "ئیختیارییە"، ئێمە پێمان باشە و هانیان دەدەین بۆ دانانی و تەنانەت هەر پرۆژەیەک سیستەمە دانێت ریکلامی بۆ دەکەین.

 

وتیشی: هاوڵاتیان جۆرێک ترسیان لانیشتوە کە سیستەمی کارەبا بو بە 24 کاتژمێریی پارەی زۆریان بۆ دێتەوە، بۆیە ئەمە ئۆفەرێکە، ئێمەش هەمو ئاسانکارییەکمان کردوە.

 

دەشڵێت: بەڕێوبەرایەتی گشتی کارەبای گەرمیان لەوەزارەتی کارەباوە رەزامەندی دانانی سیستەمەکەی بۆ هەرسێ پرۆژەی: (لایڤ سیتی، شاری زێڕین و بروسک) وەرگرتوە، پرۆژەکانی دیکەش دەیانەوێت هەمان کار بکەن.