رادیۆی دەنگ

 

ساڵانه‌ به‌هۆى به‌رزى پله‌كانى گه‌رماوه‌ نزیكه‌ 20 مێگاوات كاره‌با ده‌درا به‌ گه‌رمیان کە دواتر لە وەرزە فێنکەکاندا لێی وەردەگیرایەوە، بەڵام ئەمساڵ نەدراوە، بەرپرسێکیش دەڵێت: ئەمە هۆکارێکە بۆ کەمبونەوەی کارەبای سنورەکە.

 

حازم كەریم، بەڕێوبەری گشتی کارەبای گەرمیان، بۆ رادیۆی دەنگ وتی: ساڵانی رابردو لە وەرزی هاویندا 15 بۆ 20 مێگاوات کارەبامان وەردەگرت بە قەرز و لە وەرزی زستاندا دەماندایەوە، بەڵام بۆ ئەمساڵ پێماننەدراوە.

 

وتیشی: ئەمەش وایکردوە کاتژمێرەکانی کارەبا کەمببنەوە، سەرباری ئاراسته‌کردنی نوسراوی فەرمی بۆ ئەو مەبەستە.

 

جەختی لەوەشکردەوە: لە ئێستادا بەشی گەرمیان لەکارەبای نیشتمانی تەنها 115 مێگاواتە و خواستی هاوڵاتیانیش لەو رێژەیە زیاترە، ئەمەش وادەکات کاتژمێرەکانی پێدانی کارەبا کەمببنەوە.

 

رونیکردەوە: رۆژانە پێدانی کارەبا گۆڕانکاریی بەسەردادێت و لە نێوان 12 بۆ 13 کاتژمێرە، هەتا پلەی گەرمی زیاتر بەرز بێتەوە، ئەو رێژەیە کەمتر دەبێتەوە، بەوپێیەی خواست زیاتر دەبێت.