رادیۆی دەنگ

 

وابڕیار بو بڕى 15 بۆ 20 مێگاوات كاره‌باى زیاده‌ بدرێت به‌ گه‌رمیان به‌هۆى به‌رزى پله‌كانى گه‌رماوە، به‌ڵام تاوه‌كو ئێستا نه‌دراوه‌، بەڕێوبەرایەتی كاره‌باى گه‌رمیانیش ده‌ڵێت: بۆ ئه‌مساڵ پێمان نادرێت و هۆكاره‌كه‌شى رون نییه‌.

 

ئالان ئه‌ركان، وته‌بێژى به‌ڕێوبه‌رایه‌تى گشتى كاره‌باى گه‌رمیان، بۆ رادیۆى ده‌نگ باسى له‌وه‌كرد: وابڕیاربو وه‌ك ساڵانى رابردو برى 15 بۆ 20 مێگاوات كاره‌باى زیاده‌ بدرێت به‌ گه‌رمیان به‌هۆى به‌رزى پله‌كانى گه‌رما تیایدا، به‌ڵام پێمان نه‌درا بۆ ئه‌مساڵ، هۆكاره‌كه‌شى رون نه‌بوه‌ته‌وه‌ بۆمان تاوه‌كو ئێستا.

 

وتیشى: به‌شى گه‌رمیان له‌ ئێستادا 110 مێگاوات کارەبایە.

 

جه‌ختى له‌وه‌شكرده‌وه‌: لەئێستادا رۆژانه‌ بڕى 12 كاتژمێر كاره‌با به‌ هاوڵاتیان ده‌درێت.