رادیۆی دەنگ

 

بۆ دروستکردنی ژمارەیەک جەمەلۆن لەپشتەوەی ناوچەی پیشەسازیی کەلار، 220 دۆنم زەوی دەدرێت بە هاوڵاتیەک و چەندین باخ دەکەوێتە بەر پرۆژەکە.

 

قادر ئیكرام، یەکێک لەو کەسانەی کە باخه‌کەی بەر ئەو پرۆژەیە دەکەوێت، بۆ رادیۆى ده‌نگ وتى: زیاتر له‌ 70 باخه‌وان و جوتیارین له‌ سه‌ر رێگه‌ى جاده‌ى پشتێنه‌ى گرده‌گۆزینه‌ کشتوکاڵ و ئیدارەی گەرمیان زه‌ویی و باخه‌كانمانیان داوه‌ به‌ كۆمپانیا بیكات به‌ پرۆژه‌یه‌كى جه‌مه‌لۆن.

 

وتیشى: هیچ یاسا و رێنماییه‌ك رێگه‌ به‌وه‌ نادات كه‌ ئه‌و باخانه‌ لابه‌رێت و بكرێت به‌ پرۆژه‌، كه‌ هه‌موى باخى به‌رییه‌ و دارى خورماى تێدایه‌ و هى وایان هه‌یه‌ 15 ساڵه‌ باخه‌.

 

لایخۆشییەوە شادییە حسێن، بەڕێوبەری گشتی کشتوکاڵی گەرمیان، جەختی لە هەواڵەکە کردەوە و بەرادیۆی دەنگی راگەیاند: مامەڵەی ئەو پرۆژەیە گەیشتوەتە لامان و لە رێکاردایە.

 

وتیشی: هەندێک لە جوتیار و خاوەن باخەکان گازندەیان هەیە، پێم وتون یاداشتێک بێنن بۆ ئەوەی بیدەم بە لایەنە پەیوەندیدارەکان.

 

دەشڵێت: هەندێک لە جوتیارەکان رازیبون زەوییەکانیان بدەن و هەندێکیشیان رازیی نین، قەرەبوی جوتیارەکان 25%ـی زەوییەکەی.

 

جگە لەم 220 دۆنمە، لەماوەکانی پێشوشدا نزیک لەم شوێنە 800 دۆنم زەوی دیکە درا بە کۆمپانیایەک بۆ فراوانکردنی ناوچەی پیشەسازیی کەلار کە ئەمەش گازندەی بەشێک لە خاوەن باخەکانی لێکەوتەوە.