رادیۆی دەنگ
لەماڵێکی قەزای دەربەندیخان دەستبەسەر بڕێکی زۆر لە چەک و تەقەمەنیدا دەگیرێت و سێ کەسیش لەسەر روداوەکە دەستگیردەکرێن.
بەپێی زانیارییەکانی رادیۆی دەنگ، لەلایەن هێزەکانی پۆلیسەوە، بەیانی ئەمڕۆ لە ماڵێکی قەزای دەربەندیخان دەست بەسەر بڕێکی زۆر لە چەکی جۆراوجۆر و مین و تەقەمەنی جیاوازدا گیراوە.
بەپێی وتەی سەرچاوەیەکی ئاگادار، بڕی مادە تەقینەوە دەستبەسەرگیراوەکان زۆر و جۆراوجۆر بون، بەڵام ئاماژەی بە ژمارە و بڕەکەیان نەدا.
هەر بەپێی زانیارییەکانی رادیۆی دەنگ، لەسەر روداوەکە ۳ کەس دەستگیرکراون و لێکۆڵینەوەیان لەگەڵدا دەکرێت لەبارەی ئەوەی ئەو بڕە زۆرەی تەقینەوە بۆ چی مەبەستێک هێشتویانەتەوە.
لایخۆشییەوە قایمقامی دەربەندیخان ئاشکرای دەکات، بڕی ئەو تەقەمەنییەی لە ماڵەکەدا دەستی بەسەردا نزیکەی 30 کیلۆیە.
سلێمان محەمەد، بۆ رادیۆی دەنگ وتیشی: نازانین بونی ئەم بڕە زۆرەی تەقەمەنی بۆ بابەتی کڕین و فرۆشتنە، یاخود بابەتەکە شتی دیکە بێت، بۆ ئەو مەبەستەش بە فەرمانی دادوەر سێ کەس راگیراون و لێکۆڵینەوەیان لەگەڵدا دەکرێت.
- دوایین بابەتەکان
-
هەواڵگرێبەستی کارمەندەکانی دارستانە دەستکردەکانی گەرمیان نوێکرایەوە
-
-
راپۆرتمحەمەد سابیر و 30 ساڵ کارکردن لە شانۆی مناڵان
-
-
هەواڵقایمقامی کفری لەبارەی دامه‌زراندنی 168 فه‌رمانبه‌ره گرێبه‌سته‌كه رونکردنەوە دەدات
-
-
بەرنامەخاوەنکاران تاچەند پابەندن بە گرێبەستی کارکردنی کرێکاران؟
-
-
بەرنامەتاچەند زەمینە رەخساوە بۆ کردنەوەی کۆلێژ لە ناحیەی رزگاریی؟
-
زۆرترین بینراوەکان
