رادیۆی دەنگ

 

دوای چوار ساڵ تەواوبون و کارنەکردنی سایلۆی دانەوێڵەی کەلار، بەڕێوبەری سایلۆکە دەڵێت: ئامادەکاری تەواومان کردوە بۆ کردنەوەی و لە هەفتەی داهاتوەوە ئامادەیە بۆ وەرگرتنی دانەوێڵە.

 

کاروان رەئوف، بەڕێوبەری سایلۆی کەلار، بە رادیۆی دەنگی وت: ئامادەکاری تەواومان کردوە بۆ خستنەکاری سایلۆی گەرمیان کە چوار ساڵە تەواوبوە و کارینەکردوە.

 

وتیشی: لەئێستادا راهێنان بە فەرمانبەران دەکرێت بۆ بەگەڕخستنی سایلۆکە و لەماوەی هەفتەی داهاتودا کێشەی کارکردنی نامێنێت.

 

دەشڵێت: ٥٨ فەرمانبەر لە بوارە جیاوازەکانی سایلۆدا دامەزراون و لەئێستادا لە راهێناندان.

 

سایلۆی کەلار رۆژی ٧ـی تشرینی یەکەمی ٢٠٢١ لەلایەن مەسرور بارزانی- سەرۆک وەزیرانی هەرێمەوە بە فەرمی کرایەوە، بەڵام دانەوێڵە لە سایلۆکانیدا هەڵنەدەگیرا، بەڵکو تەنها وەکو بنکەیەکی وەرگرتنی دانەوێڵە بەکارهێنرابو.