رادیۆی دەنگ

 

به‌ڕێوبه‌رى بەڕێوبەرایەتی تاپۆى گه‌رمیان ده‌ڵێت: كاركردنى به‌ یاساى تۆماركردنى خانوه‌ زیاده‌ره‌وییه‌كان له‌ ساڵى رابردوه‌وه‌ راگیراوه‌، ده‌شڵێت: هیچ مامه‌مه‌ڵه‌یه‌كى ئه‌و خانوانه‌ رایی ناكرێت.

 

ئه‌كره‌م ره‌زا، به‌ڕێوبه‌رى به‌ڕێوبه‌رایه‌تى تۆماری خانەبەرە "تاپۆ"ـى گه‌رمیان، بۆ رادیۆى ده‌نگ باسى له‌وه‌كرد: یاساى ژماره‌ى 3ـی ساڵى 2019ـی هه‌مواركراو به‌ یاساى ژماره‌ 7ـی ساڵى 2021ـی تایبه‌ت به‌ تۆماركردنى خانوه‌ زیاده‌ڕه‌وییه‌كان،‌ له‌ ساڵى رابردوه‌وه‌ کارکردن پێی راگیراوە.

 

وتیشى: به‌هۆى ئه‌وه‌ى ماوه‌ى یاساکە‌ تەواو بوه‌ و راگیراوه‌، هیچ مامه‌ڵه‌یه‌كى تۆماركردنى ئه‌و خانوانه‌ رایی ناكرێت و هه‌موى راگیراوه‌.

 

ده‌شڵێت: ته‌نانه‌ت هیچ كۆبونه‌وه‌یه‌كیش نه‌كراوه‌ له‌ سه‌ر ئاستى لیژنه‌ى باڵا بۆ ئه‌و مه‌به‌سته‌ و هه‌مو رێكاره‌كان وه‌ستاوه‌.