رادیۆی دەنگ

 

فیلمی "دەنگی گوێز" کە فیلمێکی کوردییە، لە بیستودوهەمین خولی فیستیڤاڵی فیلمی ئەوروپا لە وڵاتی فەرەنسا بەشدارە.

 

رزگار فەقێ، بەڕێوبەری بەرهەمی فیلمەکە، بە رادیۆی دەنگی وت: 43 فیلم لە چەندین وڵاتی جیاوازەوە هەڵبژێردراون بۆ بەشداریی لە فیستیڤاڵەکەدا، ئێمە تاکە فیلمین لە عێراق و هەرێمی کوردستانەوە بەشدارییمان کردوە.

 

لەبارەی ناوەڕۆکی فیلمەکەشەوە، وتی: فیلمەکە باس لە پێداگیریی مناڵێک دەکات بۆ بەدیهێنانی خەونەکەی کە فێربونی مۆسیقایە، شوێنی رودانی فیلمەکەش گوندێکی کوردستانە.

 

ئەم فیلمە کە لە ژانری کورتە فیلمە، ماوەکەی 7 خولەک و 35 چرکەیە و سیناریۆ و دەرهێنانی (ساوات غالب)ـە و لەلایەن (لەرێ رزگار، رەنج سەڕاج و میترا خوسرەو) نواندنی تێداکراوە.