رادیۆی دەنگ

 

دوای دوازدە ساڵ روناکی "ئینارە"کانی شەقامێکی ناحیەیی رزگاریی کە کاری تێدا راگیراوە، لە شارەوانی ماونەتەوە و لە شەقامەکەدا دانەنراون؛ شارەوانی ناحیەکەش دەڵێت: بەڵێندەرەکە لێرە دایناون بۆ ئەوەی پارێزراوبن تا دەستبەکاردەبنەوە.

 

بەپێی ئەو وێنانەی لای رادیۆی دەنگن، روناکی شەقامی بەردەم پڕۆژەی نەوژین سیتی لەناحیەی رزگاریی دانەنراون، ئەمەش لەکاتێکدایە کەرەستە و ستونەکانیشی ئامادەکراون، بەڵام بە نەبەستراویی جێهێڵراون.

 

ئەرسەلان ئەحمەد، سەرۆکی شارەوانی ناحیەی رزگاریی، لەوبارەوە بە رادیۆی دەنگی وت: ئەو شەقامە پێش 12 ساڵ دوای ئەوەی قیرەکەی کراو و تەنها روناکیەکانی مایەوە، کارەکانی راگیرا، چونکە بودجەی بۆ خەرج نەدەکرا.

 

دەشڵێت: بەڵێندەرەکە لەوکاتەوە ستون و کەرەستەکانی لە شارەوانی داناوە بۆ ئەوەی پارێزراوبێت لەحاڵەتێک بودجەی بۆ سەرفکرایەوە و دەستکرایەوە بە کارکردن تێیدا.

 

ئاماژەی بەوەشدا: بەڵام هێشتا هیچ دیارنیە لەبارەیەوە کە ئایا کاری تێدا دەکرێتەوە یاخود نا.