رادیۆی دەنگ
وابڕیاربو 168 كه‌س به گرێبه‌ست دابمه‌زرێنرێن بۆ فه‌رمانگه‌كانى قه‌زاى كفرى، به‌ڵام تاوه‌كو ئێستا ده‌ستبه‌كاربونیان بۆ نه‌كراوه، قایمقامیه‌تى قه‌زاكه‌ش ده‌ڵێت: به‌ڵێنمان پێدراوه له ئاینده‌یه‌كى نزیكدا ده‌ست به‌كاربونیان بۆ بكرێت له‌سه‌ر داهاتى ناوخۆ.
ساهیر عەلی، قایمقامی قەزای کفری بۆ رادیۆى ده‌نگ باسى له‌وه‌كرد: هه‌مو ئه‌و رێكارانە‌ى كه پێویستبوه بۆ دامه‌زراندنى به گرێبه‌ستى ئه‌و 168 كه‌سه، لەلایەن ئێمەوە كراوه و ئاراسته‌ى ئه‌نجومه‌نى وه‌زیران كراوه.
دەشڵێت: له دواین كۆبونه‌وه‌ماندا كه هه‌فته‌ى رابردو ئه‌نجامدراوه به‌ڵێنمان پێدراوه له ئاینده‌یه‌كى نزیكدا ده‌ست به‌كاربون بۆ ئه‌و كه‌سانه بكرێت.
کێشەی دەستبەکارنەبونی ئەو کەسانە بۆ ئەوە دەگەڕێتەوە کە دەویسترا بخرێنە سەر لیستی موچەخۆرانی هەرێم لە عێراق.
قایمقامی قەزای کفری، لەوبارەوە وتی: بڕیارە له‌سه‌ر داهاتى ناوخۆ موچه‌كه‌یان بۆ ته‌رخان بكرێت، چونكه عێراق میزانیه‌ى په‌سه‌ند نه‌كردوه و ناشتوانرێت ئه‌م ناوانه بخرێته سه‌ر لیستى موچه.
باسى له‌وه‌شكرد: ئێمه‌ش چاوه‌ڕوانى ئه‌وه‌ین كه ده‌ستبه‌كاربونیان بۆ بكرێت و دابه‌ش بن به‌سه‌ر فه‌رمانگه‌كاندا.
- دوایین بابەتەکان
-
هەواڵ13 كارگه‌ی چه‌و و لم له گه‌رمیان كراونه‌ته كه‌ساره
-
-
هەواڵله ناحیه‌ی رزگاریی ته‌نیا 3 گه‌ڕه‌ك قیرتاو كراون
-
-
هەواڵ"دواى ته‌واوبونى 80%" كاره‌كانی پاڵاوگه‌ی ئاوی باوه‌نور راگیراوه
-
-
هەواڵکارەبای گەرمیان: 170 کارمەندمان خانەنشین بون و کارمەندی دیکە ناخرێنە شوێنیان
-
-
هەواڵلەگەرمیان لەدوای 12 ساڵییەوە رێگە بە مناڵانی ئۆتیزم نادرێت لە سەنتەرەکاندا راهێنانیان پێبکرێت
-
زۆرترین بینراوەکان
