رادیۆی دەنگ

 

چالاكوانێك له‌ گه‌رمیان ده‌ڵێت: كه‌رتى ته‌ندروستى گشتى به‌رامبه‌ر به‌ كه‌رتى تایبه‌ت پاشه‌كشه‌یه‌كى زۆرى كردوه‌، هۆكاره‌كه‌شى ده‌به‌ستێته‌وه‌ بە بێپلانى حكومه‌ت بۆ كه‌رته‌كه‌.

 

شاهۆ عه‌بدوڵڵا، چالاكوان له‌ گه‌رمیان، بۆ رادیۆى ده‌نگ باسى له‌وه‌كرد: كه‌رتى ته‌ندروستی گشتى به‌رامبه‌ر به‌ كه‌رتى تایبه‌تی تەندروستی پاشه‌كشه‌یه‌كى زۆری كردوه‌ و كه‌رتى گشتى كراوە‌ به‌ قوربانى كه‌رتى تایبه‌ت.

 

ده‌شڵێت: هۆكاره‌كه‌ى بۆ بێپلانى حكومه‌ت ده‌گه‌ڕێته‌وه‌ كه‌ گرنگى ئه‌وتۆ به‌ كه‌رتى ته‌ندروستى گشتى نادات و به‌ خێرخواز پێداویستى و كێشه‌كانى چاره‌سه‌ر ده‌كات.

 

هێماى بۆ ئه‌وه‌شكرد: پێیوسته‌ باڵانس له‌ نێوان که‌رتى گشتى و تایبه‌ت رابگیرێت، وه‌ك چۆن كه‌رتى تایبه‌ت گرفتى نیه‌ له‌ روى ئامێر و پێداویستى و ستافه‌وه‌، ده‌كرێت بۆ كه‌رتى گشتیش هه‌مان شت بێت.