رادیۆی دەنگ

 

دواى ئه‌وه‌ى له‌لایه‌ن داواكارى گشتى گه‌رمیانه‌وه‌ فرۆشتنى زه‌وى له‌ قه‌زاى كفرى راگیرا، سه‌رۆكى شاره‌وانى قه‌زاكه‌ش ده‌ڵێت: بابه‌ته‌كه‌ له‌ وه‌زاره‌ته‌ و چاوه‌ڕوانى وه‌ڵامى ئه‌وانین.

 

عه‌لى خورشید، سه‌رۆكى شاره‌وانى قه‌زاى كفرى بۆ رادیۆى ده‌نگ باسى له‌وه‌كرد: فرۆشتنى زه‌وى له‌ قه‌زاى كفرى راگیراوه‌ له‌لایه‌ن داواكارى گشتى گه‌رمیانه‌وه‌، به‌ هۆكارى گومانیان لەوەی رێكه‌وتن كرابێت له‌ نێوان ئه‌و كه‌سانه‌ى كه‌ له‌ موزایه‌ده‌كانی فرۆشتنی زەویدا ئاماده‌بون.

 

ده‌شڵێت: وه‌زاره‌تمان داواى رونكردنه‌وه‌ى لێكردین له‌سه‌ر ئه‌و بابه‌ته‌، ئێمه‌ش وه‌ڵاممان دایه‌وه‌ و رونكردنه‌وه‌مان بۆ ناردون.

 

جه‌ختى له‌وه‌شكرده‌وه‌: دوای وەڵامدانەوەمان، هێشتا لەلایەن وەزارەتەوە وه‌ڵام نه‌دراوینه‌ته‌وه‌ و بۆ ئه‌و مه‌به‌سته‌ش سه‌ردانى وه‌زاره‌ت ده‌كه‌ین.