رادیۆی دەنگ
بەڕێوبەرایەتی گشتی كاره‌باى گه‌رمیان ئاشکرای دەکات: پرۆژه‌ى روناكى بۆ دابینکردنی كاره‌باى ٢٤ كاتژمێریی نیشتمانی، له ساڵى داهاتودا لە ناوچەکە جێبەجێده‌كرێت.
حازم كه‌ریم، به‌ڕێوبه‌رى گشتى كاره‌باى گه‌رمیان، بۆ رادیۆى ده‌نگ وتى: پرۆژه‌ى روناكى کە كاره‌باى نیشتمانیی ٢٤ كاتژمێریی بۆ هاوبەشان دابین دەکات، بڕیاره تاوه‌كو كۆتایی ساڵى ٢٠٢٦ له ته‌واوى هه‌رێمى كوردستان جێبه‌جێ بكرێت به گه‌رمیانیشه‌وه.
ده‌شڵێت: پرۆژەکە له ماوه‌ى ئه‌مساڵدا ته‌نها له سه‌نته‌رى پارێزگاكان جێبه‌جێ ده‌كرێت، له ساڵى داهاتو له ئیداره سه‌ربه‌خۆكانى وه‌ك گه‌رمیان و راپه‌ڕین و ده‌ره‌وه‌ى پارێزگاكان، جێبه‌جێ ده‌كرێت.
ئەمەش لەکاتێکدایە لەنێو هاوڵاتییاندا نیگەرانی بەرامبەر بە پرۆژەی روناکی دروستبوە بەوهۆیەی نرخی یەکەکانی کارەبا زۆر زیاد کراوە و واباس دەکرێت هاوڵاتیان دەبێت مانگانە ناچار دەبن پارەیەکی زۆر بدەن.
لەبەرامبەردا پرۆژەکە لە راگەیەنراوێکدا ئاماژەی بەوەکردوە نرخی کیلۆواتی کارەبا بەشێوەی پلە بە پلە بەرز دەبێتەوە و تا کیلۆواتی زیاتر بەکاربهێنیت، نرخی کیلۆواتەکان بەرزتر دەبنەوە.
- دوایین بابەتەکان
-
هەواڵبەراورد بە ساڵی پار راوکردن لە گەرمیان زیادی کردوە
-
-
هەواڵبەتۆمەتی هەڵگرتنی کیلۆیەک ماددەی هۆشبەر لە گەرمیان کەسێک دەستگیر دەکرێت
-
-
هەواڵجارێکی تر کارکردن لە ١٤٤ شوقەکەی کەمدەرامەتانی کەلار راوەستا
-
-
هەواڵخۆپاراستنی تەندروستی گەرمیان: ساغکردنەوەی خواردن و کەرەستەی بەسەرچو نەبوە بە دیاردە
-
-
هەواڵلەسەر کەیسی تەقەکردن لە 'نەقیب هاوڕێ' کەسێکی دیکە دەستگیر کرا
-
زۆرترین بینراوەکان
